Nagtaliwan na ang legendary frontman kag co-founder sang The Beach Boys, nga si Brian Wilson, sa edad nga 82.
Gin-anunsyo sang iya pamilya ang balita nga wala na naghatag sang dugang nga detalye.
Nagpangabay man ang pamilya sang privacy kag hatagan sila sang tion sang ila pagpangasubo.
Natawo sang 1942 sa Hawthorne, California, gintukod niya ang grupo upod sa mga manghod nga sanday Carl kag Dennis subong man ang ila pakaisa nga si Mike Love kag abyan nga si Al Jardine.
Ginakabig nga isa sa pinakamadinalag-on nga rock band sa US, nakabaligya sila sang masobra 100 milyones ka mga rekord sa bug-os nga kalibutan.
Ang pila sa mga kanta nga ginpasikat sang grupo amo ang “I Get Around”, “Help Me, Rhonda” kag “Good Vibrations”.
Sang 2024, gin-ako ni Wilson nga na-diagnose siya nga may dementia
