Nagtaliwan na ang legendary musician nga si Quincy Jones sa edad nga 91-anyos.
Ginkumpirma ini sang iya nga publicists nga si Arnold Robinson kun sa diin nabugtuan na ini sang ginhawa sa iya balay sa Bel Air.
Wala na sini ginsambit pa ang rason sang kamatayon sini.
Masubra 75 ka tuig ang iya career kun sa diin nagmadinalag-on ini sang 28 ka Grammy Awards kag ginkilala bilang most influential jazz musicians sang 20th century sang TIME magazine.
Nangin katrabaho niya si Frank Sinatra nga amo ang liwat nga nag-areglo sang kanta nga “Fly Me To The Moon”.
Kilala siya nga producer sang “Thriller” album ni Michael Jackson kasubong man ang “Bad” album niya.
Sadtong 1985 ginatipon niya ang mga 46 nga sikat nga singers sang US kasubong nanday Jackson, Bruce Springsteen, Tina Turner kag Cyndi Lauper para himuon ang kanta nga “We Are The World”.
Nakahimu man ini sang mga soundtrack sang masubra 50 ka pelikula kag TV programs kalakip na ang 1969 British film nga “The Italian Job”.
