‘Leon’, nagbaskog pa samtang nagapabilin sa sidlangan sang Luzon

Nagbaskog pa ang tropical storm Leon, samtang nagapabilin sa kadagatan nga sakop sang Pilipinas.

Ginabulubanta nga magabaskog pa ini sa mga masunod nga oras, apang wala naman ini nakitaan sang tyansa nga mag-landfall sa alin man nga parte sang pungsod.

Ulihi ini nga nasiplatan ang sentro sa kalayuon nga 1,000 km sa sidlangan sang Central Luzon.

Nagahulag ini sang pakanluran sa kadasigon nga 20 km/h.

May kabaskugon ini nga 75 km/h malapit sa tunga kag may pagmadlos nga 90 km/h.

Posible naman nga magtaas sang tropical cyclone wind signals sa mga lugar nga yara sa sidlangan sang Luzon sa mga masunod nga adlaw.