Ginahinalaan sa karun ang Instagram post sang Filipino transwoman runway model nga si Leyna Bloom matapos ginsiling sini nga siya ang labing una nga “Filipino woman” nga nagrampa sa catwalk sang L’Oreal fashion show sa Paris Fashion Show.
Kabaliktaran sa nangin claims kag pahayag angut kay Miss Universe 2015 Pia Wurtzbach nga siya ang una nga Filipina nga nakarampa sa nasambit nga fashion show.
Apang, talalupangdon nga sa ika-tatlo nga paragraph sang iya IG post ginsiling ni Bloom nga siya ang labing una nga trans woman sa America nga na-maintain ang tatlo ka tuig nga ambassador partnership sa amu nga brand.
Para kay Bloom, lapaw pa sa fashion show ang nasambit nga L’Oréal Fashion Show.
Sa punta sang post gin-recognize ni Bloom ang iban pa nga kaangay Pinay, nga sanday Stephanie Valentine kag Pia Wurtzbach nga nakaupod niya sa amu nga patag.
Bangud sini, nakakuha ini sang nagkalain-lain nga reaksyon kag komento nagikan sa mga netizens.
Matandaan nga nagpost si Pia sang appreciation sa L’Oreal fashion show bangud natabo ini isa ka adlaw antes ang iya birthday celebration sadtong Setyembre 24.
