Nagpaguwa sang paghayag si Leyte Representative kag Former House Speaker Martin Romualdez angot sa mga akusasyon sang kurapsyon sa flood control anomalies.
Suno kay Romualdez, ang kritisismo batok sa iya indi na husto rason nga nagdesisyon siya nga magpahayag na sa publiko.
Nagapanindugan ini nga handa ini sa pag-atubang sa bisan ano nga kaso nga ihaboy batok sa iya.
Pahayag pa niya, may mga grupo nga nagaguba sang iya ngalan kun sa diin indi niya pagtugutan nga mangin ‘escape goat’ para sa interest sang iban.
Nahibaluan nga wala man ginpahanugutan nga hatagan sang travel clearance sang Office of the Ombudsman si Romualdez nga magpadulong sa Singapore para sa iya medical checkups.
Samtang, naghingyo man si Ombudsman Jesus Remulla sa Anti-Money Laundering Council nga i-freeze ang assets ni Romualdez bangud sang iya kahilabtanan sa korapsyon.
