Gin-suspend ni Dumarao, Capiz Mayor Atty. Mateo Hachuela ang klase sa tanan nga lebel sa pampubliko kag pribado nga mga eskwelahan bangud sa pagbubo sang mamunog nga ulan sa banwa.
Sa interview sang Bombo Radyo kay Mayor Hachuela, iya ginpahayag nga ginpakamaayo na lang nga i-suspend ang klase para sa seguridad sang mga estudyante kag ginikanan.
Suno kay Hachuela, bilang kahandaan sa mga kalamidad, 24/7 nga nagapreparar ang nagkalain-lain nga talatapan sang banwa lakip na ang padayon man sa pagbantay sa lebel sang tubig sa suba.
Nagpahanumdom man ini sa mga pumuluyo nga maghalong kag magpabilin sa panimalay kun wala man sang importante nga kadtuan.
Nahibaluan nga ginpaidalom sa yellow alert ang probinsya sang Capiz kaina sang aga bangud sa pag-ulan, nga posible magresulta sa pagbaha tuga sang shearline.
