ROXAS CITY – Magakooperar ang banwa sang Jamindan sa Provincial Board, agud dalayon na nga ma-aprubahan ang P69-M nga ginahinyo nga utangon sang banwa para sa pagbakal sang pila ka mga makinarya kag pagpakay-o sang mga proyekto sa ila lugar.
Sa interview sang Bombo Radyo kay Mayor Mac Arthur Valdemar sang banwa sang Jamindan, ginpahayag sini nga ginkompleto na nila ang tanan nga mga rekesitos matapos nga ginbalik ini sa ila LGU, antes liwat nga ginpasa.
Mahibaluan nga ika-tatlo nga banwa ang Jamindan nga ginpabalik ang ila dokumento, bangud ginapahayag nga madamo sang kulang nga kinahanglan.
Bangud sini nagalaum ang alkalde nga ma-aprubahan na sang Provincial Board, ang amu nga kantidad agud masuguran na nga mapakay-o ang target sini nga mga proyekto subong man mabakal ang kagamitan nga kinahanglanon sang ila mga Barangay sa ila banwa.
