Ginpahayag sang lokal nga panguluhan sang banwa sang Pontevedra nga mangin prayoridad nila ang paghatag sang hustisya sa pamilya ni Police Captain Rian Fuentes Ampoyos kag ang pagpakusog sang seguridad sa banwa kasunod sang maduguon nga insidente nga nagkuha sang kabuhi sang isa ka police officer.
Sa interview sang Bombo Radyo kay Joenifer Tumlos, Municipal Administrator sang Pontevedra, Capiz, ginpahayag sini nga nakibot ang ila sini nga talatapan sang pagkahibalo sang amo nga balita.
Suno kay Tumlos, nagapakig-angot na ang talatapan sa mga kapulisan kag iban pa nga mga may kaangtanan agud masiguro nga husto, patas kag madinalag-on ang imbestigasyon sa natabo nga krimen.
Nahibaluan nga natabo ang pagluthang patay kay Police Captain Ampoyos, sa isa ka videoke bar sa Barangay Binuntucan pasado alas-12 sang kaagahon sang Hulyo 20.
Nagpanawagan naman ang natungdan sa publiko nga magpabilin nga kalmado kag magkooperar sa mga otoridad samtang ginapadayon ang imbestigasyon, agud masiguro ngamapanabat kag mahatagan sang hustisya ang kaso.
