Ginpasidunggan ang banwa sang Dumarao, Capiz sang Bawat Kawani Lingkod Bayani Award sang Civil Service Commission (CSC) bilang pagkilala sa dedikasyon kag maayo nga pagserbisyo sa publiko.
Sa interview sang Bombo Radyo Roxas kay Dumarao, Capiz, Mayor Atty. Mateo C. Hachuela, iya ginpahayag nga ang amo nga pagkilala nagapakita sang padayon nga pagpanikasog sang Local Government sa paghatag sang dekalidad nga serbisyo para sa mga pumuluyo.
Suno kay Hachuela, ini nga pagkilala nagapakita man sang importansya sang responsable kag dedikalidad nga pagserbisyo sang mga kawani sang gobyerno.
Dugang pa sang alkalde, kabahin sa mga programa sang banwa amo ang ang paghatag sang libre nga health check-up kag mga bulong, subong man ang padayon nga pagpatuman sang mga proyekto sa imprastraktura para sa kaayuhan sang mga pumuluyo.
