JAMINDAN, Capiz – Ginpakigbahin sang Local Government Unit “LGU”, Jamindan Capiz ang tikang nga ginahimo sa subong kasunod sang natabo nga mauling incident sa Jamindan National High School.
Matandaan natabo ang insidente sang Agosto 04, 2026, kun sa diin involved ang duha ka menor de edad nga ginkilala kanday alias Vin, 16-anyos, grade 9, kag residente sang Brgy. Jaena Norte, Jamindan Capiz kag alias Jie, 14-anyos, grade 8, kag residente sang Brgy. Maantol, Jamindan Capiz.
Sa interview sang Bombo Radyo kay Mr. Mac Arthur Valdemar, Municipal Administrator sang Jamindan Capiz, iya ginpahayag nga padayon ang koordinasyon sang tanan nga eskwelahan sa Jamindan Capiz sa mga katapo sang kapulisan, barangay tanod, kag traffic enforcers agud masiguro ang hugot nga siguridad sang estudiante sa tion sang pasulod kag pagkatapos sang ila tagsa ka klase.
Suno kay Valdemar ang siguridad sa sulod sang eskwelahan ila man ginasiguro kun sa diin sa bulig sang police visibility kag tagsa ka security guards ila gina inspect ang unod sang bag kag ginabantayan ang kagamitan sang estudiante.
Pahayag pa niya sa antes paman nga natabo ang insidente nakahatag na sang metal detector ang local nga panguluhan sa eskwelahan sa bilog nga secondarya nga eskwelahan.
Dugang pa sang natungdan nakadirekta naman ang paghatag sang kinahanglanon sang kabataan kaangay sang seminar, trainings sang general development program sa bulig sang Municipal for the Protection of the Children kun sa diin ginakadtuan ang tagsa ka eskwelahan para maipatigayon ang suporta nagikan sa LGU agud indi matabo sa liwat ang kaangay sadtu nga insidente.
