Nagpatigayon sang inpeksyon ang mga otoridad sa Vicente Andaya Sr. National High School nga sakop sang banwa sang Sigma Capiz kasunod sang magnitude 5.4 nga linog nga nag-igo sa Masbate kag nabatyagan man sa probinsya sang Capiz.
Sa interview sang Bombo Radyo kay Ma. Nancy Lalugay Villanoy, Assistant Municipal Administrator sang banwa, iya ginpahayag nga natabo ang insidente samtang nagahiwat sang symposium sa disaster preparedness ang eskwelahan.
Suno kay Villanoy, sang nabatyagan ang linog, gilayon nga ginmanduan ang mga estudyante kag mga personnel nga magkadto sa open area suno sa safety protocol agud malikawan ang posible nga peligro.
Samtang gilayon nga nagresponde ang Municipal Disaster Risk Reduction and Management Office (MDRRMO) sang Sigma, Capiz sa mga estudyante nga naglalain ang pamatyag pagkatapos sang linog.
