LGU sang Sigma, Capiz, Suportado  ang Pagtukod sang Anti-Cybercrime Unit sang PNP

Supportado sang Local Government Unit (LGU) ang pagtukod sang Philippine National Police Regional Anti-Cybercrime Unit 6 bilang Capiz satellite office sa Sigma, Capiz.

Suno kay Sigma Capiz Mayor Dante Rizal Eslabon, ang paglunsar sang unit nagapakita nga handa ang kapulisan nga magsabay sa mga isyu kag krimen sa digital world.

Dugang pa ni Eslabon, importante ang sini nga unit sa pagprotektar sa publiko batok sa cybercrime.

Ginpahayag niya nga bisan simple lang nga click sa internet nga wala ginapanumdon sang maayo mahimo nga makaguba sang reputasyon sang isa ka tawo.

Nagpahanumdom ni sa publikon mangin mahinalungon nga responsible sa paggamit sang internet kag iban nga Social media platforms.