Nagpatigayon sang mas hugot nga preparasyon ang Local Government Unit (LGU) sang Sigma agud atubangon ang posible nga pagbaha kag iban pa nga epekto sang ginapaabot nga Super Typhoon Inday.
Sa direktiba ni Mayor Dante Rizal Eslabon, nakapreposition na ang LGU sang food packs kag modular tents nga ipanghatag sa mga pamilya nga mahimo nga maapektuhan sang bagyo.
Samtang, padayon ang 24/7 nga monitoring sang Municipal Disaster Risk Reduction and Management Office (MDRRMO) sa dalagan sang bagyo kag sa lebel sang tubig sa mga peligroso nga lugar.
Ginapadayon man ang pagpatuman sang nagakaigo nga disaster preparedness measures agud masiguro ang kaluwasan sang mga residente.
Ginapahanumdoman sang LGU Sigma ang publiko nga magpabilin alerto, magsunod sa mga abiso sang local government kag sang mga otoridad, kag mangin handa sa posible nga pag-evacuate kon kinahanglan.
