Nagpakigbahin pa sang video clip kag photo sa social media ang “One Direction” member nga si Liam Payne, isa ka oras antes ang iya gulpi nga pagkamatay.
Suno sa pahayag sang international media outlets, nahulog sa ground floor ang lawas sang singer nagikan sa ika-tatlo nga palapag sang hotel sa Argentina.
Ginapahayag nga madasig nga nagresponde ang kapulisan sa hotel matapos mabaton ang emergency call, nga may natabo nga “aggressive man who could be under the influence of drugs or alcohol.”
Magluwas diri, nakakuha pa suno diri ang AP sang kopya sang 911 call sang hotel manager nga nagasiling “a guest who overwhelmed with drugs and alcohol… He’s destroying the entire room and, well, we need you to send someone, please.”
Dugang pa sini nga ginapahayag yara sa impluwensya sang drugs si Payne sang matabo ang insidente.
Nangin huring-huring man ang pagpakigbahin sini sang video kaupod ang iya partner nga si Kate Cassidy sa Snapchat Story, isa ka oras antes ang balita sang iya pagkamatay.
Sa separado pa nga post kung sa diin isa ka litrato ang makit-an nga may caption “Happy got some time away.”
Samtang, indi pa sigurado kung san-o nakuha ang nasambit nga video kag litrato.
Bangud sini, nagdugok ang pagpalab-ot sang pagpakig-unong sang mga celebrities kag fans para kay Liam.
