Yara na sa 20% ang accomplishment sang pag-jaayo kag pag-redevelop sang Libas Fishing Port sa Barangay Libas, Roxas City.
Sa interview sang Bombo Radyo kay Punong Barangay Jobby Nalica, iya ginpahayag nga ang amo nga proyekto ginpunduhan sang masobra P92 million halin sa Philippine Fisheries Development Authority ukon PFDA kag national government.
Suno kay Nalica, ginpatuman ang proyekto agud mapamanami pa ang fishing port kag mahatagan sang mas moderno nga pasilidad ang mga mangingisda sang siyudad.
Dugang pa sang natungdan, yara na sa foundation stage ang konstruksyon, apang madamo pa sang ulubrahon nga dapat tapuson, lakip na ang drainage kag marketing area.
Nahibaluan nga nagsugod ang proyekto sang Hunyo 21, 2025 kag target kuntani nga matapos sa Oktubre 2026, apang padayon pa sa gihapon ang pakaayo.
