Hugot ang panindugan sang Liberal Youth Northern Mindanao nga dapat madayon ang Barangay kag Sangguniang Kabataan Elections ukon BSKE 2026 sa Nobyembre 2.
Sa interview sang Bombo RAdyo kay Yeshua Miguel Pia, Chairperson sang Liberal Youth Northern Mindanao, iya ginpahayag nga madugay na nila nga ginaduso ang pagpadayon sang BSKE kag indi na dapat ini liwat ipostpone.
Suno kay Pia, kinahanglan na nga mahatagan sang kahigayunan ang mga botante, ilabi na ang mga pamatan-on, nga makapili sang ila mga representante sa barangay kag Sangguniang Kabataan.
Nahibaluan nga ang BSKE 2026 ang gin-schedule sang Commission on Elections (Comelec) sa Nobyembre 2, 2026, kasunod sang pag-reset sini halin sa una nga schedule nga Disyembre 1, 2025.
Dugang pa sang natungdan, indi na dapat madugangan pa ang paghulat kag kinahanglan na nga matuman ang BSKE 2026.
