Indi matupungan ang kalipay sang mga manunudlo kag mga estudyante sa Olotayan Integrated School sa libre nga internet Connection nga gindul-ong ni Paolo Roxas.
Ang amo nga paglunsyar ang kadungan sang pagpanghatag sang mga school supplies sa mga kabataan, vitamins kag mga tsinelas.
Sa nangin pahayag ni Paolo Roxas, ini nga satellite ang nagikan pa sa US kag ang Olotayan ang una nga magabenipisyo sa amo nga libre wifi ukon kabahin man sa programa ni Roxas nga School Internet Connect Program ukon “Paolo Roxas Konek”.
Suno sa nangin pahayag sang mga manunudlo, madugay na nga problema ang internet connection ilabi na sa mga school forms nga kinahanglan nila isubmit nagakadelay bangud sa mahina nga connection.
Makita sa mga pumuluyo, manunudlo kag mga estudyante ang dako nga kalipay bangud sa kadugayon nga ila gina-problema nga internert connection nasabat na ini.
