ROXAS CITY -May libre nga processing fee sa dugo para sa mga pasyente sang dengue sa probinsiya sang Capiz.
Ini ang ginkumpirma ni Mr. Raymundo Martinez, Philippine Red Cross Capiz chapter administrator.
Suno kay Martinez nga makaangkon sang libre nga processing fee sa magakuha sang dugo sa Red Cross nga gamiton para sa mga dengue patients matapos nga nagdonar ang PCSO sang P10 milyones sa national headquarters sang Philippine Red Cross.
Ginpahayag ni Martinez nga nagsugod na sila sang una nga semana sang Septiembre sa diin madamo na ang naka-avail nga mga dengue patients.
Apang ginpahanumdum sang administrador nga kinahanglan lamang nga i-comply sang folks sang pasyente ang rekisitos kasubong sang certificate of confinement sa ospital.
Ginklaro sini nga aplikable lamang ini sa mga pasyente nga nagasuprer sang balatian nga dengue kag confine sa pribado ukon pampubliko nga ospital sa syudad sang Roxas kag probinsiya sang Capiz.
