Libro nga 50 ka tuig na nga na-publish, nakit-an sa isa ka thrift store sa England

Nakibot ang mga tinawo sa isa ka library sa England, matapos nakit-an ang duha ka libro nga kapin sa 50 ka tuig na nga natapos sa isa ka thrift store nga halos 60 ka milya ang kalayuon.

Suno sa isa ka pahayag sang Leeds City Council, ang Leeds Central Library nakabaton sang tawag gikan sa mga empleyado sang isa ka thrift store sa Beverley, East Yorkshire.

Ginpahibalo sila nga duha ka libro nga Volume I kag II sang Geology and Mineralogy ni Rev. William Buckland ang nakita sa tunga sang mga donasyon nga gindala sa ila balaligyaan.

Diri na nahibaluan nga ang mga libro ang ginsulat pa sang tuig 1836 antes ini nga gin-check out sa library sang Marso 1976, kag wala na ginbalik humalin pa sadto.