Gin-anunsyo ni US President Donald Trump nga ginpatay sang militar sang Estados Unidos ang lider sang Venezuela gang Tren de Aragua nga si Héctor Rusthenford Guerrero Flores, alyas Niño Guerrero, sa isa ka airstrike.
Suno kay Trump, madasig kag makahalalit nga operasyon ang ginpatigayon sang US Southern Command nga nagresulta sa kamatayon sang lider sang isa sa pinaka delikado nga kriminal nga grupo sa Latin America.
Ginapahayag nga ginhimo ang operasyon sa koordinasyon sang mga otoridad sang Venezuela, kon sa diin ginpagwa man sang Presidente ang video sang paglupok sang target building.
Ang Tren de Aragua ang gindeklara sang Amerika nga foreign terrorist organization bangud sang mga panumbungon may kaangtanan sa drug trafficking, human trafficking, kag iban pa nga mabug-at nga krimen.
Sa subong, ginatun-an pa sang mga otoridad ang epekto sang kaangay nga operasyon sa seguridad sa rehiyon kag sa relasyon sang US kag Venezuela.
