Ginpresentar ni Philippine Army Commanding General Lt. Gen. Roy Galido ang pagpasangkad sang operational reach sang militar sang Pilipinas.
Sa iya mensahe sa Land Power in the Pacific (LANPAC) Symposium and Exposition 2025 nga ginhiwat sa Honolulu, Hawaii, ginhatagan pagtamod sang hepe sang Army ang importansya sang Positional Advantage ukon ang bentaha sang isa ka militar nga may mas maayo nga estratehiya sa militar kag depensa ipaanggid sa iban nga mga militar nga wala sang mabakod nga posisyon sa depensa.
Gin-presentar nia ang 3 star general ang pagpasangkad sang operational reach sang Philippine Army agud makaangkon sang dominasyon sa patag-awayan. Gintumod sini ang suporta sang PA para sa mga operasyon sa seguridad sa sulod kag sa gwa, kag suporta para sa pag-establisar sang Rehiyon sang Indo-Pacific.
Ini suno sa iya ang kabahin sang pagpasangkad sang operational reach sang pungsod, upod ang pagpabaskog sang militar sini.
Sa LANPAC 2025, si Heneral Garido may kahigayunan nga makigkita kay Japan Ground Self-Defense Force Chief of Staff Gen. Yasunori Morishita, USARPAC Commander Gen. Ronald Clark, kag Australian Army Commander Lt. Gen. Simon Stuart.
Isa sa mga nagapanguna nga ginatutukan diri amo ang pagbinuligay sang amo nga mga pungsod sa pagpadayon sang kalig-unan kag pagkabukas sang Asia-Pacific Region.
Ang LANPAC 2025 nagaserbe nga plataporma sa pagpakita sang papel sang mga pwersa sa duta sa bug-os nga Indo-Pacific sa tion sang inaway kag paghidait.
