Ginarespeto sang Liga ng mga Barangay sang Roxas City ang mangin resulta kun ipaiway ukon padayunon ang Barangay and Sangguniang Kabataan Elections sa Nobyembre.
Sa interview sang Bombo Radyo kay Punong Barangay Roberto Ross Roldan, Association of Barangay Captains President-Roxas City, iya ginpahayag nga may mga pumuluyo nga nagapalab-ot sang sentimyento nga dapat ilisan ang mga opisyal nga may manubo nga performance.
Suno kay Roldan,may iban man nga pumuluyo nga luyag magpabilin sa pwesto ang mga opisyal nga maayo ang pagserbisyo sa ila barangay.
Dugang pa sini, nga bilang isa ka barangay official, dapat may yara ini sang hinimuan nga maayo nga serbisyo para sa mga pumuluyo.
Ginpahayag man sang natungdan nga handa ang ila grupo nga batonon kun ano man ang mangin desisyon may kaangtanan sa pagpaiway ukon pagpadayon sang BSKE.
