Gindayaw sang Liga ng mga Barangay sa Roxas City ang mga programa nga ginlatag ni Presidente Ferdinand Marcos Jr., sa iya ikalima nga State of the Nation Address (SONA).
Sa interview sang Bombo Radyo kay Punong Barangay Roberto Ross Roldan, Presidente sang Liga ng mga Barangay sa Roxas City, iya ginpahayag niya nga pabor ini sa plano nga pagkuha sang system loss charge sa bayranan sang kuryente bangud makabulig ini sa pagpahagan-hagan sang gaslastuhan sang mga pumuluyo.
Suno kay Roldan, isa sa mga mensahe sang Presidente nga nagtandog sa iya amo ang, “Hindi ako pangulo ng aking pamilya, Hindi ako pangulo ng aking kaibigan. Ako ay pangulo ng Pilipinas.” nga para sa iya, nagapakita ini nga ang Presidente dapat magserbi sa tanan nga Pilipino kag wala sang ginapili bisan pa ang iya pamilya ukon mga abyan.
Samtang ginalauman man sini nga kuntani natalakay man sa SONA ang Barangay kag Sangguniang Kabataan Elections (BSKE) agud mahibaluan kon san-o ini pagatigayunon.
