Dalayon na nga isa ka layi ang Ligtas Pinoy Centers Act and the Student Loan Payment Moratorium matapos pirmahan ni Pangulong Ferdinand Marcos Jr. sa Palasyo sang Malakanyang.
Ang Ligtas Pinoy Centers Act, ang nagtukod sang isa ka nationwide network para sa permanente nga, storm-resilient evacuation centers kung sa diin gindisenyo agud mabatuan ang hangin sang bagyo tubtob 300 kilometro kada oras (kph) kag aktibidad ang seismic nga tubtob sa magnitude 8.0.
Ang mga nasambit nga ligtas pinoy centers, kumpleto sa mga kagamitan para sa mga magapabilin nga mga indibidwal.
May yara man ini sang mga istasyon nga kinahanglanon sa ika-ayong lawas, mga pasilidad sa katinluon kag mga probisyon para sa mga kasapatan kag paga-unahon ang mga lugar nga may mataas nga peligro kag masami sentro sang kalamidad.
Ang amu nga inisyatiba, ginhimo samtang ang pungsod padayon nga nagabangon nagikan sa Severe Tropical Storm Kristine, kung sa diin ginhatagan gilayon sang pagtamod nga itukod ang climate-resilient infrastructure.
Samtang, ang Student Loan Payment Moratorium During Disasters and Emergencies Act ang nagahatag sang bulig pinansyal sa mga estudyante sa mga lugar nga gindeklarar sang kalamidad.
Ang pagpatuman sang mga bag-o nga layi ang pagapangunahan sang mga ahensya sang gobyerno sa pagpakig-angut sa mga lokal nga gobyerno nga nagahatag sang pagtamod para sa mas makusog nga
disaster resilience kag inclusive educational support sa bilog nga pungsod.
