ROXAS CITY-Ginkompirmar sang pamununa sang City Disaster Risk Reduction and Management Officer (CDRRMO) nga may yara sang lima ka mga indibidwal nga nagpadulong sa siyudad gikan sa Pampanga nga wala sang koordinasyon sa siyudad.
Sa interview sang Bombo Radyo kay Mr. Dennis Saneo, head sang CDRRMO ginkompirmar sini nga may yara sang lima ka mga contract workers sang isa ka dako nga mall nga nagpadulong sa siyudad nga wala sang nakaigo nga koordinasyon sa ila.
Suno kay Saneo nga gikan sa Mexico, Pampanga ang lima ka mga indibidwal nga nagpadulong diri sa probinsiya sang tinalikdan nga Agosto 1, apang didto nag agi sa Caticlan Port.
Gindugang pa ni Saneo nga may yara sang ginpakita nga dokumento ang nasambit nga mga indibidwal kalakip ang Rapid test, RT-PCR test kag medical certificate nga nagapamatuod nga hilway sila virus.
Apang sa pihak sini, naglapas sa guihapon ang mga ini bangod nagpauli ini sila nga wala sang koordinasyon sa siyudad.
Samtang gilayon man nga ginpapauntat sang CDRRMO ang ila pagtrabaho bangod naka duty na ini sila sang tinalikdan nga Lunes.
Mahibaluan nga may yara sang pila ka nga concern citizen nga nagpalab-ut sa Bombo Radyo nga mga yara sang indibidwal nga gikan sa iban nga lugar nga nagarenta sang boarding house Barangay Punta Tabuc sining siyudad.
