Lima ka mga estudyante sa Brgy. Dayao, ipaagi sa raffle draw ang  mangun mapilian para sa ₱20,000 nga educational assistance

Ipaagi sa raffle draw ang pagpili sang lima ka estudyante sa Barangay Dayao, Roxas City nga mangin benepisyaryo sang educational assistance sa idalom sang “Bawat Bayan Makikinabang Program.”

Sa interview sang Bombo Radyo kay Punong Barangay Wenie O. Batuampo, iya ginpahayag nga 13 ka mga estudyante ang nangin kwalipikado sa programa, apang lima lamang ang mapilian pinaagi sa raffle draw kag makabaton sang tig-₱20,000 nga educational assistance.

Suno pa kay Batuampo, ang nabilin nga ₱100,000 nga pondo ang pagagamiton sa pagpahamtang sang solar street lights sa nagkalain-lain nga bahin sang barangay.

Ginpahayag sini, nga paagi sa amo nga inisyatibo, mas mapasanag ang mga dalanon kag mapabakod ang seguridad, ilabi na sa tion sang kagab-ihon.