-- ADVERTISEMENT --
Patay ang Lima ka tawo matapos nga nag-crash ang helicopter sa Mount Kilimanjaro sa Tanzania.
Suno sa Tanzania Civil Aviation Authority, padulong kuntani sa medical mission ang helicopter sang nag-crash malapit sa Barafu Camp.
Ang mga biktima nga ginsakyan sang helicopter amo ang isa ka doktor, isa ka tour guide, isa ka piloto kag duha ka dumuluong nga turista.
Ang Mount Kilimanjaro may kataason nga 6,000 metros sa ibabaw sang lebel sang dagat kun sa diin nag-crash ang helicopter sa kataason nga 4,700 metros.
Nahialuan nga kada tuig may 50,000 ka turista nga nagaduaw sa Bukid Kilimanjaro.
-- ADVERTISEMENT --
