ROXAS CITY-Lima ka mga panibag-o nga kaso sang corona virus disease 2019 ukon COVID-19 ang napagkit sa banwa sang Pontevedra.
Sa ginpaguwa nga official statement ni Mayor Esteban Dodoy Evan Contreras ginpahayag sini nga 5 ka mga Locally Stranded Individuals (LSI) ang nagpositibo sa nasambit nga banwa.
Ang mga ini ang ginakalakipan sang mga masunod :
1. 2 ka tuig nga bata nga lalaki nga residente sang Barangay Ilawod, Pontevedra Capiz kag may yara sang history of travel sa Las Piñas.//
2. 17 anyos nga lalaki nga residente sang Barangay Tacas, Pontevedra Capiz kag may yara sang history of travel sa Bulacan
3. 43-anyos nga lalaki nga residente sang Barangay Tacas, Pontevedra Capiz kag may yara sang history of travel sa Bulacan
4. 13-anyos nga babayi nga residente sang Barangay Tacas, Pontevedra Capiz kag may yara sang history of travel sa Bulacan
5. 22-anyos nga lalaki nga residente sang Barangay Tacas, Pontevedra Capiz kag may yara sang history of travel sa Bulacan
Ginpasalig ni Contreras nga wala na nakaguha sa ila nga panimalay ang 5 ka mga nagpositibo bangud sa adlaw sang ila nga pagpauli sa probinsiya, gilayon nga ginpaidalom ang mga ini sa 14-day quarantine sa ila nga Barangay Quarantine Facilty.
Sa karon nagapabilin nga asymptomatic ang mga nagpositibo nga yara sa Temporary Treatment and Monitoring Facility sang nasambit nga banwa.
