ROXAS CITY, CAPIZ – Totally burn ang Lima ka puluy-an matapos magluntad ang sunog sa Sitio Pagutok, Barangay Dayao, Roxas City sang Hulyo 13, 2025.
Ang nasambit nga puluy-an ang ginapanag-iyahan nanday Alex T. Igos, Merly S. Lanciso, Nebrito Francisco, Catherine Obaldo, kag Apple Ritas.
Sa impormasyon nga nagikan sa Roxas City Fire Station, nakabaton sila sang impormasyon nga may nagluntad nga sunog sa amo nga lugar.
Gilayon naman nga nagresponde ang mga katapo sang Bureau of Fire Protection (BFP) matapos nakabaton sang impormasyon kag pag-abot sa lugar nagsugod sila sa pagpalong sang kalayo.
kapin apat ka mga fire truck, duha ka ambulance, isa ka rescue truck, kag tatlo auxiliary ang gilayon nga nagresponde sa lugar.
Gindiklarar nga “under control” ang sunog takna las 1:48 sang hapon kag fire-out naman ini takna ala 1:56 sang hapon.
Wala naman sang narecord nga pilason ukon napatay sa amo nga sunog.
Sa karon, padayon ang imbestigasyon sang mga katapo sang Bureau of Fire Protection kun ano ang gintunaan sang nasambit nga sunog.
