Patay ang Lima ka tawo matapos maaksidente ang police mobile sa Quezon City.
Suno kay PMaj. Jennifer Ganaban, public information chief sang Quezon City Police District, iya ginpahayag nga lunsay mga persons under police custody ang mga biktima.
Natabo ang insidente pasado las 11 sang aga subong nga Biernes, Abril 24.
Base sa inisyal nga imbestigasyon, bumunggo ang police mobile sa pader matapos gin-alegar nadulaan sang preno sa area sang Payatas Road, Quezon City.
Padulong kuntani sa Payatas Jail ang patrol para sa mga commitments sang mga persona nga yara sa kustodiya sang kapulisan.
Pilason man sa insidente amo ang apat ka mga pulis kag isa ka persona nga yara sa kustodiya sang kapulisan nga padayon pa nga ginabulong sa isa ka ospital.
Padayon pa ang imbestigasyon sang mga otoridad sa nasambit nga insidente.
