Ginakalingawan sang mga netizens ang isa ka lima ka tuig nga bata naggikan sa Albuera, Leyte bangud ginapatihan may ikasarang ini nga magpasiga sang isa ka bombilya gamit lamang ang iya nga ilong.
Suno sa iloy sang bata nga si alyas “Kai-kai”, nagbakal sila sang mga inverter bulb ukon emergency light sa department store nga automatic nagasiga kun may power outage.
Didto, gintestingan niya sa iya Bata nga ipaslak ang bombilya sa ilong agud mahibaluan kun bala magasiga ini.
Matapos nga ginpaslak makahalam-ot bangud nagsiga ini.
Gintestingan man sang iban nila nga kaupod sa ila nga ilong apang wala ini nagagana.
Suno naman sa isa ka physicist, ang ilong ni Kai-kai amo isa ka conductor.
Dugang pa, nakita sang physicist sa video nga nagabalhas si Kai-kai, suno diri, ang balhas sa panit sang tawo ang may yara sang electrolytes nga makabulig sa pag-ilig sang kuryente.
Pahayag pa niya nga ang electrolytes ang nagaserbe nga nagadul-ong sang mga particle nga mahimo magpa-ilig sang kuryente padulong sa circuit.
Ginpaathag sini nga masami manigpis ang mga panit sang mga pamatan-on pa gani gamay lamang ang resistance sini kag nagasaka ang ginatawag nga conductivity, kun ikumpara sa panit sang mga katigulangan, nga masami madamol kag dry.
