Nakafocus ang Linggo ng Kabataan 2026 sa pagpalig-on sang ihibalo sa ila ikaayong lawas.
Ini ang kabahin sang pag-obserbar sang International Youth Day, nga may tema nga “Different Contexts, Common Aspirations.”
Sa interview sang Bombo Radyo kay Mary Grace Francisco-Somil, Population Program Officer III sang Capiz Provincial Health Office, iya ginpahayag nga ang selebrasyon nagahatag sang oportunidad nga mapamatian kag mahatagan sang tingog ang kabataan, ilabi na sa mga isyu nga nag-angot sa ila kaayuhan, kaluwasan kag palaabuton.
Suno kay Somil, importante ang paghatag sang husto nga impormasyon kag access sa health services sa mga pamatan-on bangud ang adolescence isa ka importante ngabahin sang kabuhi nga may madamo nga physical, emotional, mental kag social nga pagbag-o.
Samtang, mas ginapalig-on naman sang nasambit nga talatapan ang mga Adolescent-Friendly Health Facilities, KADA Centers kag Teen Centers bilang safe spaces para sa mga kabataan, kung sa diin sila makakuha sang health information, counseling, guidance kag iban pa nga serbisyo nga youth-friendly kag confidential.
Pahayag pa niya, isa man sa mga ginatutukan nga health concerns sang kabataan amo ang adolescent sexual and reproductive health, lakip na ang early kag unintended pregnancy kag sexually transmitted infections.
Nagpahanumdom man ang natungdan sa mga kabataan nga atipanon ang physical kag mental health, maghimo sang responsable nga desisyon, kag indi mahadlok magpangayo sang bulig ukon husto nga impormasyon kon kinahanglanon.
