ROXAS CITY – Ginahiwat sa karon ang ‘Linggo ng Kabataan’ program nga may tema: ‘Intergenerational solidarity; making world for all ages kun sa diin imbitado ang tanan nga miyembro ukon Sangguniang Kabataan (SK) Chairpersons kag iban pa nga sektor kaangay sang boy scout sa bug-os nga probinsya sang Capiz.
Sa interview sang Bombo Radyo kay Hon. Renzo B. Teves, SK Federation President, ginsiling sini nga magapatigayon sila sang nagkalain-lain nga aktibades para sa ginabulubanta 500 ka partisipante kag subong nga hapon ang mga games may kaangtanan sa leadership, team building, kag unity.
Gintambungan ang nasambit nga programa sang guest speakers nga sanday Gov. Fredenil Castro, Mayor Ronnie Dadivas kag Vice Governor James Magbanua nga naghatag man sang ila inspirational speeches kaina sang aga.
Samtang subong nga hapon naman magahatag sang iya mensahe si Board Member Trina Ignacio nga amu ang Vice Chairman sang Youth and Sports Development Committee.
Sa pihak nga bahin gintuad ni Teves nga wala pa sila nakabaton sang gin-implemetar nga honoraria para sa mga SK officials.
Neutral man ini pag-abot sa eleksyon kag iya ginpahayag nga wala sang problema kun madayon ukon indi basta wala sang may magtuga nga malain nga hitabo ukon epekto sa mga pumuluyo.
Ginapalab-ot man sini nga ang SK yara lamang nagasuporta sa tanan nga mga kabataan.
