Linibo ka mga abyan kag mga tagasuporta ang nagtambong sa lubong sang promising student-athlete nga si Rene Clert “Bobet” Baterbonia sa Talacogon, Agusan del Sur.
Sa misa, makit-an ang tuman nga pagpangasubo sang mga utod kag pamilya ni Rene labi na ang iya iloy nga Rovelyn Baterbonia nga naghilibion bangud indi ini makapati nga nadula na ang iya anak.
Yara man nagtambong si Senator Robin Padilla kag ang utod sini nga si Binibini “BB” Gandanghari.
Suksok naman sang iya mga taga-suporta ang puti nga jersey nga may naka-imprinta nga DAVRAA nga amo ang rehiyon nga ginpresentar ni Rene kag ginpangunahan agud magkampyon sa Palarong Pambansa 2025.
Pagkatapos sang misa, gindala ang iya bangkay sa Talacogon Memorial Park sa Barangay Labnig, Talacogon, kon sa diin siya ang labing-una nga ginlubong sa amo nga lugar.
Nahibaluan nga nagpasar man sang resolusyon ang Municipality of Talacogon sa Agusan del Sur agud ideklarar ang Hunyo 8 kada tuig bilang “Rene Clert ‘Bobet’ N. Baterbonia Day.”
Ini ang kabahin sang pagkilala sang Sangguniang Bayan sang Talacogon sa legasiya nga ginbilin ni Rene kag ang bugal nga ginbilin sini sa iya banwa paagi sa malip-ot apang matahum nga mga tinuig sini sa paghampang sang basketball.
