Linibo ka mga mamumugon sa Iran ang nadulaan sang trabaho bangud sa nagapadayon nga inaway sa tunga sang Iran batok sa Estados Unidos sang America kag Israel nga nagsugod sang Pebrero 28, subong nga tuig.
Ang krisis nagtuga sang lapnagon nga pagsira sang dalagku nga mga industriya, pagkapukan sang ekonomiya, kag tuman nga kaimulon para sa ordinaryo nga mga Iranian.
Kon sa diin madamo nga mga pabrika, workshops, kag service projects ang nagsirado ukon nagbuhin sang operasyon, nga nagresulta sa pagpahalin sa mga contract worker kag day laborer.
Ang mga mayor nga sektor sang ekonomiya sang Iran, kaangay sang petrochemical plants sa Mahshahr kag South Pars, subong man ang mga pasilidad sa asero, nakaeksperyensya sang grabe nga kahalitan ukon nag-untat sa produksyon bangud sang mga airstrikes, nga may kapin sa 30,000 ka mga empleyado sa industriya sang petrochemical ang apektado.
Bangod man sa internet blackout nga ginpatuman halin sang Pebrero 28, linibo ka mga freelancer, programmer, kag content producer ang nadulaan man sang ila ikasarang sa pagtrabaho.
Subong man, ang pagsirado sang Strait of Hormuz kag pagka-delay sang supply sang krudo nagapabudlay man sa pagsupply sang mga nagapanguna nga balaklon, nagapataas sang presyo kag nagapalala sang sitwasyon sang mga mamumugon.
