Linibo ka mga tawo sa Denmark kag Greenland ang nagprotesta sa pagpamatok sa proposal ni US President Donald Trump sang Estados Unidos nga baklon ang Greenland gikan sa Denmark, nga nagapamilit nga ang teritoryo sang Arctic dapat magdesisyon sang iya kaugalingon nga palaabuton.
Ang mga demonstrador nagmartsa pakadto sa embahada sang Estados Unidos, nga nagasinggit sang “Greenland is not for sale” kag may bitbit nga mga banner nga “No means No”kag “Hands off Greenland”,, upod ang pula-kag-puti nga banner sang Greenland.
Ginabulubanta nga kapin sa 20,000 ka tawo ang nagtambong sa protesta.
Matandaan nga ginpahayag ni Trump nga importante ang Greenland sa seguridad sang US bangud sa estratehiko nga lokasyon kag mineral resources sini, kag wala niya gindula ang posibilidad nga gamiton ang pwersa militar agud maangkon ini.
Ang pahayag ni Trump ang nagtuga sang diplomatic crisis sa tunga sang US kag Denmark nga ginkondenar sang NATO.
Nahibaluan nga ang Greenland, ang may populasyon nga 57,000, may daku nga autonomy halin sang 1979 apang nagapabilin ini sa idalom sang pagkontrol sang Denmark kon parte sa defense kag foreign policy.
