Nagtipon ang linibo nga Korean protesters sa guwa sang National Assembly sa Seoul, South Korea kahapon nga adlaw Sabado, Disyembre 14.
Ini ang sa tunga sang botohan para sa ikaduha nga attempt para sa impeachment ni South Korean President Yoon Suk Yeol matapos nga mapaslawan ang una nga attempt sadtong nakaligad nga Sabado, Disyembre 7 matapos nga mag-walk out kag i-boycott sang mga mamalidha gikan sa ruling party nga People Power Party ang botohan.
Base sa Seoul Police official, ginabulubanta yara sa 200,000 ka indibidwal ang nagtipon sa guwa sang parliament para suportahan ang pagsipa sa pwesto kay Pres. Yoon.
Sa iban nga bahin sang kapital sang South Korea nga Gwanghwamun Square, nagtipon man ang yara sa 30,000 nga mga supporters ni President Yoon agud ipakita ang ila suporta sa Presidente kun sa diin nagaamba ang mga ini sang patriotic songs kag ginawagayway ang hayahay sang South Korea kag Amerika.
