Linibo nga oportunidad, gintan-ay sang pila ka mga BPO company sa Capiz

CAPIZ – Personal nga nagpadulong sa Roxas City, Capiz ang pila ka mga personalidad sang BPO Industry agud magpatigayon sang isa ka press conference may kaangtanan sa pagtan-ay sang madamo nga oportunidad sa probinsya.

Pila ka mga indibidwal nga nagpadulong sa syudad amu sanday Mr. Jack Madrid, Mr. Mitch Locsin, Mr. JL Botor, Mr. Bong Borja, Mr. Miguel Del Rosario kag Mr. Alvin Juban.

Tinutuyo sini nga aktibidad agud magbukas sang linibo nga trabaho sa mga  taga-Roxas City kag Capiz ilabi na sa mga bag-ong gradwar nga nagakinahanglan kung sa diin sarang nga makakuha sang dako nga sweldo.