Ginhatagan sang Land Transportation Office (LTO) sang 90-day preventive license suspension ang P-pop girl group BINI member nga si Mikha Lim matapos madakpan sa live video nga ginaalegar nagagamit sang cellphone samtang nagamaneho.
Makita sa video nga gina-record ni Lim ang iya kaugalingon samtang yara sa likod sang manibela antes hinali nga nahulog ang iya cellphone.
Nakuha man sa recording ang iya paglab-ot sa idalom agud kuhaon ang device, kag sang ulihi gin-uyatan ini sang duha niya ka kamot samtang padayon nga nagamaneho sa dalan.
Bangud sini, nagpagwa man sang Show Cause Order ang ahensya batok sa P-pop artist bangud sa posible paglapas sa Anti-Distracted Driving Act kag iban pa nga probisyon sang traffic regulations sa pungsod.
Ginmanduan sang LTO si Lim nga personal nga mag-atubang sa ila opisina sa Nobyembre 20 agud maghatag sang iya pormal nga paathag angut sa insidente.
Ginhatagan pagtamod sang pamunuan sang LTO nga luyag mag nila ang patas nga pagpatuman sang road safety law.
