-- ADVERTISEMENT --
Isa ka talagsahon nga kaso ang na-eksperyensyahan sang 70 anyos nga lalaki sa Malaysia matapos nakaeksperyensya sang pagsuka kag kabudlayan sa pagtulon sa sulod sang tatlo ka semana.
Sa tion sang endoscopy, natukiban sang mga doktor ang isa ka liso nga nagabalabag sa iya esophagus.
Nakibot ang mga doktor sang makita nila nga tatlo ka centimeter ang kalabaon sang binhi kag nagasugod na sa pagtubo.
Nakilala ang binhi nga amo ang rambutan nga ginapatihan nga nagatubo bangud sa mainit kag humid nga kondisyon sa sulod sang lawas.
Ini nga makatilingala nga hitabo ang ginreport sa isa ka medical journal kag ginakabig nga pinakauna nga nadokumento nga kaso sang liso sang rambutan nga nagatubo sa lawas sang tawo.
