ROXAS CITY – Napasa na ang lista sang mga estudyante nga lakip sa pagahatagan sang education assistance sa syudad sang Roxas.
Sa interview sang Bombo Radyo kay Hon. Pepe Del Rosario, Board Member sang uno distrito ginpahayag sini nga 2,000 ka mga estudyante ang mahimo nga makabaton sang amu nga education assistance diri lamang sa syudad sang Roxas kag gina-verify na ini sa karun sang nasyunal nga ahensya.
Suno kay Del Rosario, yara sa 6,000 tubtob 7,000 nga mga estudayante sa uno distrito ang mahimo nga mahatagan sang amu nga assistance kag target sini nga makapay-out sa ika-tatlo nga semana subong nga Hulyo.
Sa pihak nga bahin, padayon naman ang pagpanglista sang fuel subsidy para sa mga tricycle drivers associations kun sa diin mahimo nga makabaton sang tig-P2,000 ang kada operator sang tricycle.
Mahibaluan nga may yara sang gin-alokar nga 10 kada barangay ang amu nga programa kun sa diin 470 ang kabug-usan nga target sa syudad sang Roxas.
Sa mga luyag magpasakop sa amu nga programa, magpadulong lamang suno diri sa tagsa ka mga Barangay Kapitan kag magpalista bangud sila lamang ang otorisado nga magpanglista sa ila nasakupan.
Apang, ginklaro ni Del Rosario nga madamo sa mga Barangay Kapitan ang wala nakasumiter sang ila mga lista rason nga ginhatag nalang nila ang mga slot sa iban nga banwa agud mapun-an ang numero nga target.
