Ginklaro sang litigation expert nga mahimo mabag-o sang Senado paagi sa majority vote ang isa ka ruling ukon nga ginapatuman sa Senate Impeachment Court.
Ini may kaangtanan sa voting threshold sa nagapadayon nga impeachment trial ni Vice President Sara Duterte, kun sa diin ginadesisyunan sang mga senador-judges kun magapabilin ukon magabag-o ang nauna nga ruling nga nagakinahanglan sang 16 ka boto para sa conviction.
Sa interview sang Bombo Radyo kay Atty. Carlo Ybañez, iya ginpahayag nga ang 11 ka boto indi nagakahulugan nga ma-impeach ukon ma-convict si VP Sara, kundi amo ang majority vote nga kinahanglan agud mabag-o ang isa ka Senate ruling.
Suno kay Ybañez, 20 sa 24 ka senador ang ginakabig nga aktibo nga senator-judges sa subong, bangod indi regular nga makatambong ang apat ka senador nga sanday Loren Legarda, Jinggoy Estrada, Rodante Marcoleta kag Ronald “Bato” dela Rosa.
Gani, 11 ang kinahanglan nga boto para makuha ang majority.
Dugang pa sang natungdan, pagadesisyunan pa sang Senate Impeachment Court kun magapabilin ang 16-vote threshold ukon magabag-o ini, kag isa sa mga balantayan kun makuha ang kinahanglan nga 11 ka mga boto.
