ROXAS CITY – May pamahog nga magsalakay sa mga istasyon sang pulisya sa Isla sang panay ang mga rebelde nga New People’s Army kasunod sang ila ginhimo sa Maasin police station.
Ini ang nangin pahayag sa Bombo Radyo Roxas ni Lt. Col. Sisenando Magbalot Jr., battalion commander sang 61st Infantry Battalion sang Philippine Army, matapos nagguwa sa ila monitoring nga nagaplano ang mga NPA nga magsalakay sa mga police station sa Isla sang Panay.
Apang ginpasiguro ni Magbalot nga indi mangin madinalag-on ang mga rebelde bangud naka-alerto ang tanan nga mga pulis matapos nga nagserbe nga leksyon ang natabo sa police station sa banwa sangng Maasin sa Iloilo nga ginsulod kag gindis-armahan sila sang mga NPA.
Samtang nagpanawagan si Magbalot sa mga ginikanan sang mga pamatan-on nga bantayan ang ila mga anak bangud ang mga ini ang target sang massive recruitment sang rebelde nga mga NPA.
