Ginkumpirmar sang aktres nga si Liza Soberano nga madugay na sila nga bulagay sang iya anay love team kag nobyo nga si Enrique Gil.
Sa interview sang aktres sa podcast nga “Can I Come In?” sang Huwebes, Agosto 14, ginpaambit ni Liza sa filmmaker nga si Sarah Bahbah ang kahimtangan sang iya relasyon kay Enrique, nga kilala man sa bansag nga “Quen.”
‘I’ve been itching to tell people this because I haven’t been very truthful. Quen hasn’t been very truthful. Quen and I broke up,’ pahayag ni Liza
Suno kay Liza, halos tatlo ka tuig na ang nagligad humalin sang ulihi nagbulagay sila, apang nagdesisyon sila nga indi na ini pag-ipahibalo sa publiko sa hingyo ni Enrique.
“I agreed to that because I also didn’t want it to be real,” dugang niya, samtang ginabaton man ang iya kahadlok nga maapektuhan ang iya karera kag imahe sa publiko.
Apisar nga madugay na sila nga bulagay, ginpahayag ni Liza nga nangin mainabyanon ang katapusan sang ila relasyon kag puno gihapon sang pagpalangga.
‘When I broke up with him, I would say it was such a beautiful breakup because it was still so, so full of love… I still love him as a person,’ emosyonal nga ginpahayag ni Liza.
Gin-ako man niya nga nag-abot sa punto nga ginkonsiderar niya nga pakaslan si Enrique, apang sang ulihi narealize niya nga kinahanglan niya pangitaon ang iya kaugalingon – bisan pa nga nagakahulugan ini nga magbulagay sila sang dayon.
Sa subong, wala pa sang ginpaguwa nga pahayag si Enrique Gil angut sa ginbuyagyag sang iya ex-girlfriend.
