Nagpabutyag ang Filipino American actress nga si Liza Soberano nahanungod sa negatibo nga mga komento nga nagatawag sang iya karera nga “laos na,”pagkatapos magsaylo sa Los Angeles sang 2024.
Sa isa ka interview, gin-ako ni Liza nga isa sa iya pinakadako nga “sakripisyo” amo ang financial stability nga iya naangkon sa Pilipinas, bangud subong kinahanglan na niya nga mag-umpisa liwat bilang isa ka bag-o nga artista sa US entertainment industry.
Suno sa aktres, ang iya estilo sang kabuhi nagbag-o sang daku, lakip ang pagkuha sang magagmay nga mga gig kag padayon nga pag-audition samtang nagagasto sang kuwarta sa acting kag vocal lessons, bisan pa nga wala sang kasiguruhan sa mga papel.
Dugang pa niya nga nangin mas bukas siya parte sa iya ginhalinan kag mga kabudlayan sa matuod nga kabuhi, samtang padayon nga nagaatubang sang mga kritisismo kag mga sala nga paghangop parte sa iya karera kag kahimtangan sa industriya.
