Napilian ang aktres nga si Liza Soberano bilang judge para sa Artemis Rising Foundation’s Golden Globes Impact Prize para sa Documentary sa ika-83 nga Venice Film Festival.
Suno sa Variety, magabulig si Liza sa pagpili sang isa ka documentary feature sa official selection sang festival nga nagasabat sang importante nga mga social issue paagi sa epektibo nga pagsugid sang istorya.
Kaupod niya sa hurado amo ang Golden Globes President Helen Hoehne, Oscar-winning producers nga sanday Regina K. Scully kag Geralyn White Dreyfous, kag Think-Film Impact Production founder nga si Danielle Turkson Wilson.
Ginpahayag ni Liza nga isa ka kadungganan para sa iya nga mangin kabahin sang judge kag makilala ang mga documentary filmmakers nga nagahimo sang maisog kag makahulugan nga mga istorya.
