ROXAS CITY -Wala pa nakadesisyon si Capiz Governor Esteban Evan Contreras natuhoy sa resolusyon sang League of the Municipalities in the Philippines ukon LMP-Capiz Chapter nga nagapanawagan sa pagbiya sa puwesto ni Dr.Leah Del Rosario bilang OIC-Provincial Health Officer sang Provincial Health Office.
Ginkompimar ni Contreras nga nabaton na sini ang resolusyon sang mga alkalde sang probinsiya apang indi pa ini makadesisyon bangod hinalaan pa ini sang Provincial Inter-Agency Task Force.
Suno kay Contreras nga luyag sang mga alkalde nga ang pamunuan sang PHO ang malibot sa mga kabanwahanan kag magbulig asister sa tagsa ka mga quarantine facilities.
Apang gin-athag sini nga wala man ini sang reklamo natuhoy sa trabaho ni Del Rosario.
Gindugang pa ni Contreras nga may posibilidad nga magabutang sang focal person sa PHO bangud naintindihan sini nga mabudlay man ang trabaho ni Del Rosario.
Samtang ginkompirmar man ni Contreras nga may yara sang tatlo ka mga health professionals nga ginalantaw posible matal-us kay Del Rosario pananglitan nga pahalinon ini sa puwesto nga sa karun nag-file sang iya leave.
Mahibaluan nga 12 ka mga alkalde sa probinsiya ang nagpirma sa resolusyon sa pagpahalin kay Del Rosario.
