Nagtakop sa positibo nga level ang local stock market matapos namentinar sang Philippine Stock Exchange index (PSEi) ang posisyon sa 6,400 nga lebel, sa pihak sang geopolitical tensions kag Profit Taking sang pila ka mga investors.
Ang PSEi nagtaas sang 0.18% ukon 11.61% agud magsirado sa 6,415.72, samtang ang All Shares index nagtaas man sang 0.19% sa 3,450.69.
Suno sa First Metro Securities, nagpabilin nga malig-on ang merkado sa pihak sang paghalong sang mga investors bangud sa tensyon sa Middle East kag ang pagnubo sang technology stocks sa Wall Street
Nakabulig man ang net foreign buying nga nagalab-ot sa P640.45 million kag ang paglaum nga mangin mabaskog ang second-quarter earnings sang mga kumpanya.
Nagpanguna sa pagtaas ang mining kag oil sector samtang ang pinakadaku nga pagnubo narekord sa property sector.
