ROXAS CITY – Nagdangat na sa 2mil 886 ang mga Locally Stranded Individuals (LSIs) nga nakapauli na sa probinsiya sang Capiz matapos na-stranded sang tatlo ka bulan matapos naabtan sang lockdown bangud sa COVID-19 pandemic.
Ba-se sa datus sang Provincial Dsiaster Risk Reduction and Management Office (PDRRMO) nga pinakamadamo nga mga LSIs nga nakapauli ang sa Roxas City nga may 607, ginsundan sang banwa sang Pilar nga may 271, Panitan nga may 166, Maayon-143, Pontevedra – 137, Panay – 125 kag President Roxas nga may 117 ka mga LSIs.
Sa segundo distrito naman, pinakamadamo nga nakapauli nga mga LSIs ang sa banwa sang Mambusao nga may 230, 208 sa Tapaz, 158 sa Dumalag, Jamindan nga may 138, ginsundan sang Sapian nga may 135, Cuartero -106, Dao -104, Sigma – 93, Dumarao- 87 kag Ivisan nga may 61.
Samtang kapin sa 141 ka mga LSIs ang nag-abot kahapon sakay sa sweeper flight gikan sa Metro Manila sa diin ginsugat sila sang natungdan nga mga LGUs kag gindala sa ila mga quarantine facility sa kabanwahanan samtang sa Roxas City gindala sa Hortus Botanicus
