ROXAS CITY – Ginkakas na ang ginapatuman nga lockdown bangud sa coronavirus disease (COVID-19) sa Denmark.
Ini ang base sa report sa Bombo Radyo ni Bombo International Correspondent Natasia Balgos.
Suno kay Balgos, humalin sadtong Marso 11 ginpatuman ang lockdown kag sadtong Abril 20 pa sang nadesisyunan sang gobyerno nga kakson ini bangud kontrolado na ang pagsaka sang kaso sang nasambit nga balatian.
Sa karon, balik-normal na ang tanan sa pungsod kun sa diin amat-amat na nga nagbukas ang pila ka mga non-essential establishments.
Hilway man suno diri nga magguwa ang mga tawo kun sa diin wala man sila halos nagasuksok sang face mask.
Wala man sunod diri sang nangin epekto ang COVID-19 pandemic sa public transport kapareho sang metro kag buses.
Sa karon, ginapalikaw anay ang pagpatigayon sang mga aktibidad nga may yara sang ‘public congestion’ agud malikawan ang paglapta sang nasambit nga balatian.
